Sual Cinayət Məcəlləsinin 178.2.1 və 178.2.4-cü maddələri üzrə hüquqi məsləhət

Biniyamin eliyev dedi:

aparılır. 2026-cı ilin mart ayından bu ayadək bir şəxsdən iş qurmaq məqsədilə hissə-hissə olmaqla ümumilikdə təxminən 30.000 manat pul almışam. Təəssüf ki, planlaşdırılan iş alınmayıb və maddi çətinlik səbəbindən həmin məbləği vaxtında qaytara bilməmişəm. Bu faktı polisə verdiyim izahatda da etiraf etmişəm. Qarşı tərəf də ərizəsində pulu iş məqsədilə mənə verdiyini və geri ala bilmədiyini qeyd edib. Hazırda zərəri hissə-hissə ödəmək barədə razılığa gəlmişik və borcu tam ödəmək niyyətindəyəm. Şikayətçi bir neçə dəfə şikayətini geri götürmək istədiyini bildirib. Şikayətçinin dediyinə görə, müstəntiq hələlik şikayəti geri götürməməsini və gözləməsini deyib. Mənə bildirilib ki, məsələ Azərbaycan Respublikası Cinayət Məcəlləsinin 178.2.1 və ya 178.2.4-cü maddəsi ilə qiymətləndirilə bilər. Bu vəziyyətdə hüquqlarımın nədən ibarət olduğunu, bu maddələrin mənə tətbiq olunma ehtimalını, istintaq mərhələsində necə hərəkət etməli olduğumu və zərəri hissə-hissə ödəməyimin hüquqi baxımdan necə qiymətləndiriləcəyini öyrənmək üçün ödənişsiz hüquqi məsləhət almaq istəyirəm. Təşəkkür edirəm.

Genişlətmək üçün klikləyin...

Ülkər Həmidli dedi:

Salam. Həmin 30000 Azn məbləği nə zaman əldə etmisiniz? Və bugünki tarixədək zərərçəkənə nə qədər ödəniş etmisiniz?

Genişlətmək üçün klikləyin...

Biniyamin eliyev dedi:

Qeyd edirəm ki, təxminən 30 000 manat məbləğ mənə bir dəfəyə verilməmişdir. Həmin məbləğ mart ayından etibarən müxtəlif vaxtlarda hissə-hissə verilmiş, köçürmələr 100 manat, 500 manat, 1 000 manat, 1 500 manat və digər fərqli məbləğlər şəklində həyata keçirilmişdir. Ümumi məbləğ bu ödənişlərin cəmi olaraq təxminən 30 000 manat təşkil etmişdir.

Pulun geri qaytarılması ilə bağlı söhbətimiz yalnız iyul ayında başlamışdır. Mən ona işlərin uğursuz getdiyini və bu səbəbdən yaranmış maliyyə çətinliklərini izah etmişəm. O isə verdiyi pulların geri qaytarılmasını tələb etmişdir. Mən ilk olaraq borcun hissə-hissə ödənilməsini təklif etsəm də, bu təklif qəbul edilməmiş və polisə şikayət olunmuşdur.

Şikayətdən sonra yenidən görüşüb danışdıq və qarşılıqlı razılığa gəldik. Mən aylıq hissələrlə bütün məbləğin tam şəkildə ödənilməsinə razılıq verdim. Bundan sonra qarşı tərəf şikayətini geri götürmək məqsədilə 3–4 dəfə istintaq bölməsinə müraciət etsə də, müstəntiq şikayətin geri götürülməsini qəbul etmədi.

Genişlətmək üçün klikləyin...