Sual Ənənəvi cinayətlərin rəqəmsal mühitdə törədilməsi qanunvericiliyin təkmilləşdirilməsinə zəmin yaradırmı?

Salam, hər kəsə. Mən də bir hüquqşünas kimi diqqətinizi dövrümüzün aktual məsələsinə yönləndirmək istəyirəm. Son illər ölkəmizdə dələduzluq, hədə-qorxu ilə tələb etmə, özünü öldürmə həddinə çatdırma(düzdür, təqsirkardan heç bir asılılığı olmasa da) və.s cinayətlər sosial şəbəkələrdən və digər onlayn platformalardan istifadə edilərək törədilir. Qanunvericiliyin təkmilləşdirilməsi ilə bağlı siz bu haqda nə düşünürsüz?

Salam. Sizinlə razıyam. Qanunvericilikdə ümumiyyətlə rəqəmsal mühitlə bağlı tam dəyişikliklər olmalıdır.

Bəli, yaradır. Məsələn, amerikada baş vermiş belə bir hadisəni deyim. Yük daşıma şirkətində işləyən bir işçiyə ehtiyac olduqca və yalnız iş vaxtı xidməti maşınına benzin tökməsi üçün benzin kartı verilir. İşçi sonra diz əməliyyatı olduğu üçün məzuniyyətə çıxır və məzuniyyətdə olduğu müddətdə dəfələrlə kartdan istifadə edərək şəxsi maşınına benzin doldurur. Məsələn belə bir hal bizim ölkədə baş versə idi hansı maddə ilə tövsif edilərdi ? Düşünürəm ki belə halda şəxsin əməli mənimsəmə cinayəti olardı amma həmin tərkibdə elektron vasitə ilə törədilməsi ağırlaşdırıcı tərkib kimi nəzərdə tutulmamışdır. Elektron vasitə ilə əmlakı talama sadəcə 177ci maddədə nəzərdə tutulub amma bu məsələdə şəxs gizli olaraq əmlakı talamır.